Бу дәрес эшкәртмәсе 1нче сыйныфта татар теле дәресе. Дәреснең темасы «Т авазы, т хәрефләре».Р.З.Хәйдәрова дәреслеге буенча төзелгән.Дәреснең максаты : [т] авазы һәм Тт хәрефләре белән таныштыру; -татар сүзләрендә т тартык хәрефенә туры килгән авазны дөрес итеп әйтергә һәм иҗекләп, кушып укуга өйрәтү; -йорт хайваннарына мәхәббәт тәрбияләү һәм аларның кеше тормышында әһәмиятен аңлату; Дәрес тибы : яңа белем бирү.Дәрестә Алсу исемле курчак белән таныштыру, чөнки ул укучыларга үзенең бүләген алып килгән.Дәрес үткән белемнәрне актуальләштерү белән башланып китте. Табышмак аша яңа теманы ачыклау.Йомгак итеп, т хәрефенең язылу урыннарын билгеләү.Дәрестә дидактик уеннар, физкультминуткалар урынлы кулланылды дип уйлыйм.Дәрес ахырында  укучылар тарафыннан атлар турында шигырьләр, җырлар укылды.Дәрес укучыларга ошады дип ышанып калам. Бүгенге дәресебезне җыр белән тәмамлыйсым килә. Н. Нигъмәтуллин “Гомер аты”.                                                                    Әйе,укучылар бу җырда да атның гомер буе эшләп ,тир түгеп эшләүе  күренә. Кешенең гомере дә ат чабышы белән чагыштырыла. Бу җырда атның гомере озын, чөнки атлар озак яшиләр ,гомер буе  эшлиләр, кешеләргә хезмәт итәләр. Шуның өчен безгә атларны  яратырга һәм тырышып укырга кирәк.