Дерс № 1

Мевзу. Алфииль - фиильнинъ шекилидир. (Умумий малюмат).

 

Макъсат. Талебелерге алфииль - фииль шекили олгъаны акъкъында тюшюндже бермек, алфиильнинъ синтактик ролюни бельгилев, талебелернинъ алышкъанлыкъларыны шекиллендирмек; талебелерге бедий сёз дюльберлигинен этрафтаки муитке, онынъ гузеллигине севги дуйгъусыны ашламакъ, талебелернинъ козетюв ве мантыкъий мефкюресини инкишаф этюв.

Дерс № 2

 

Мевзу. Алфииль обороты.Макъсат. Талебелернинъ джумлелерде алфииль оборотыны тапмакъ ве бильмек, беджериклерини (умения) шекиллендирмек; оларнынъ пунктуация саватлыгъыны, иджадий къабилиетини инкишаф этюв; талебелерде халкъымызнынъ тарих кечмишини огренювине меракъ ашламакъ, Къырым джесюр шахсларына урьмет дуйгъусыны тербиелемек.

Дерс № 3

Мевзу. Алфииллернинъ имлясы.

Макъсат. Талебелерни алфииль япылув усулларынен таныштырмакъ, сингармонизм къаиделерни текрарламакъ, алфииль ялгъамаларыны догъру язмагъа огретмек, алфииллерде -ма-, -ме- ялгъамалардан сонъ -й- пейда олувы акъкъында айтмакъ, талебелернинъ ватанпервер дуйгъуларыны тербиелев, талиль этюв мефкюресини ве иджадий къабилиетини инкишаф этюв.

Дерс № 4

Мевзу. «Алфииль» мевзусыны текрарлав.

 

Макъсат. Алфииль акъкъында огренгенлерни текрараламакъ, талебелернинъ янъы материалны насыл менимсегенини тешкермек; талебелернинъ тильни огренюв авеслигини, иджадий къабилиетини, мантыкъий ве талиль этюв мефкюресини инкишаф этюв.

Дерс № 5

Мевзу. «Алфииль» мевзусы боюнджа незарет иш.

Макъсат. Талебелернинъ бильги, беджериклери ве алышыкъларынынъ севиесини тешкермек; талебелерде этрафтаки муитнинъ гузеллигине севги, урьмет ашламакъ; талебелернинъ мантыкъий мефкюресини, иджадий къабилиетини инкишаф этмек.