Оқушылар сөз таптарынан өткенді қайталай отырып, білімдерін бекітеді. Құрамдық, мағыналық түрлерін ажырата білуге төселеді. Теориялық білімдерін практикамен ұштастыру арқылы алған білімдерін жүйелей отырып, сөз таптарын толық меңгере түседі. Сабақ барысында қазақ халқының ұлттық ойындарын насихаттау арқылы ұлттық ойынға деген қызығушылық сезімі артады, мәдениеттілікке, ептілікке, қырағылыққа, бірін-бірі сыйлай, тыңдай білуге тәрбиеленеді. Оқушылардың ойлау қабілеттері мен шығармашылық қабілеттері дамиды. Өз ойын дәлелдеп, қорыта білуге дағдыланады. Кіріктірілген, қайталау сабағы , суреттер, портрет, кесте, семантикалық карта, венн диаграммасы, оқулық, интерактивті тақта, бейне көрініс,т.б. Пәнаралықбайланыс: қазақ әдебиеті, тарих, ән-күй, дене шынықтыру. Ұйымдастыру кезеңінде баланың өзіне деген сенімін арттыру, жақсы көңіл күй сыйлау үшін әр түрлі психологиялық тренингтерді қолдану тиімділігін береді.