Элективті курс биология пәнінен 10-11 класс оқушыларына арналған тереңдетілген оқыту бағдарламасын жүзеге асыру мақсатында дайындалды.. Бұл жинақ жалпы орта білім беретін мектеп мұғалімдеріне сабақта тереңдетіп оқыту әдісін қолдануға, профильдік білім беруді жоспарлауда көмекші әдістеме ретінде дайындалған.

Курстың мақсаты: оқушылардың интеллектуальдық және практикалық дағдыларын қалыптастыру, сонымен қатар анатомия және жалпы биология саласындағы білімдерін тереңдету.

Курсты жүргізуде қолданылатын негізгі әдістер мен тәсілдер:лекция, семинарлар, жоба қорғау, генетикалық есептер шығару практикумы, пікірталас-әңгіме аралас ауызша хабарламалар, топтық жұмыстар. Осы тәсілдер оқушылардың танымдық дағдыларын дамытуға ынталандыруға бағытталған, сонымен қатар олардың шығармашылық іскерліктерін жетілдіреді. Осылай «Адам және оның денсаулығы» тақырыбындағы 10-11 класс оқушыларына арналған элективті курс қазіргі жалпыбиологиялық ғылымның өзекті саласында білімін қалыптастырып қана қоймай, әлем туралы ақпаратты тұтастай қабылдауға және ондағы өзінің жағдайын түсінуге көмектеседі.