«Адет. Адеб. Намыс.»

16 сагъатда.

аш юй «Гиляч»

Зал ариу джыйылыб, джасалыбды. Къабыргъада адетни юсюнден газетле тагъылыбдыла.

Къарачай тартыу согъула турады.

Бардырыучу

1 бар.: Бютеу дунияда инсанла,

Бу дуниягъа кёз ачханла.

Сизге атсынла акъ тангла,

Кюн ашхы болсун адамла!

2 бар.: Хурметли къонакъла! Хош келигиз!

Бизни бюгюнишибизнимураты: бусейиртаулада, эскиджуртлада, чокъуракъсуулададжашагъан, ётгюрариумиллетибизни, ата-бабаларыбызданкелгенадебни, намыснынекъыйынкюндедаатмайынмабюгюннгедериджетгенашхыадетлерибизнибирбёлегинкёргюзтюргеизлейбиз.

1 бар.: Багъалы джамагъат, къарачайда тепсиге тамада айырылгъан адетди. Тепси тамада

2 бар.: Тепсиге тамада айырылгъандан сора, тепсиге шапа айрылады. Тепсиге бюгюн, Къарачай_Черкес кърал университетни, экономика факультетини шекерти, Диналаны Расул шапалыкъ этерикди.

1 бар.: Барыбызда билген таулуланы арасында ичги адет болмагъанды. Ичги адамгъа сыйсызлыкъ, учузлукъ келтиргенин ангылаб тепсиде сыра, боза, бал бозадан башха ичги зат джюрюмегенди.

2 бар.: Багъалы къонакъла, Къарачай – Черкес кърал университетде, къарачай бла ногъай кафедрада окъутхан: баш категориялы устаз, методист, кружокда студентлени, сохталаны къарачайча джорукъ бла тепсерге, къобузда согъаргъа юретеди, къысхасыча къолу неге да бирча уста, Ёзденланы Айгуфну къызы, Бостанланы Зубайда, бюгюн къууанчха, бизге буруннгуладан бери, тёрде орнун табыб келген хантыбыз боза бишириб келгенди.

1 бар.: Нарт таурухларыбызда, эски джырларыбызда да сагъынылыр ючюн къалмагъан боза. Сабий тууса, къыз чыкъса, келин келсе, кюёу чакъырылса да джюрютюлгенди ол. Джай чилледе суу алышмакъ ойнаб къайтхан джашла да, чарсха барыб, юйлерине арыб джыйылгъанла да, тутушда хорлатхан да, сол дыргасы бла кёблени сыртларыны джерге салгъан пелиуан да эм алгъа бозаны ичгендиле.

2 бар.: Огъур бла келсин, алгъышы бла атлансын хар юйге буруннгу миллет хантыбыз.

Андан уртлаб, чамдан – накъырдадан кечеги тойну толтуруб, тауларыбызны ёшюнлеринде, эллени тёрлеринде заманларын ашыргъан джигер, джигит уланланы эсигизге тюшюрюгюз, кёзюгюзге кёргюзюгюз.