№ 4

Әліппе

Сабақтың тақырыбы: К к дыбысы мен әрпі

Сабақтың мақсаты: К дыбысы мен әрпін таныту. К дыбысы бар сөздерді оқи, жаза білуге дағдыландыру. Есте сақтауға үйрету, сөздік қорын молайту.

Тәрбиелік мәні:  1. Өз ойын еркін айтуға дағдыландыру.

                            2. Ұқыпты, жинақылыққа тәрбиелеу.

Пәнаралық байланыс: Дүниетану, ана тілі.

Сабақтың түрі: Дәстүрлі.

Әдісі: Түсіндіру, оқыту, сауат ашу.

Көрнекілігі: суреттер, әріп, кесте, буындар, оқулық.

Сабақтың жүрісі:

I. Ұйымдастыру

II. Өтілгенді тиянақтау ( Ее )

III. Жаңа сабақ

Психологиялық дайындық.

-         Балалар мен жұмбақ жасырамын, мұқият тыңдаңдар:

Қызықтап күнде сен

Суретін көресің,

Оқисың одан сен

Ертегі, өлеңді. Ол не?           (кітап)

Таңмен көзін ашады,

Әлемге нұын шашады.          (күн)

-         Өте дұрыс. Енді осы күн, кітап сөздері бізге таныс емес қай дыбыстан басталады?

-         К.

-         Дұрыс. К дыбысынан басталып тұр.

-         К (кі) дыбысы қалай айтылып тұр?

-         К дыбысы қысылып, таңдай арқылы айтылады.

-         Демек онда К дыбысы дауыссыз қатаң дыбыс.

Бүгін біз К дыбысы және әрпімен танысамыз. К дыбысы дауыссыз дыбыс болғандықтан шартты белгісі көк түс. Қане, қайталаймыз: К к к.

К к дыбысының таңбасымен таныстыру. К дыбысы сөздің барлық буынында кездеседі.

Оқулықпен жұмыс. Сөздер тақтаға ілінеді. Кеме, кит, көбелек сөздеріне дыбыстық талдау жасалып, түсіндіріледі. Сөздер буынға бөліп хормен оқытылады.

Ке – ме, те – рек, ме –ре – ке, ке – бе – же,

ке – се, ше – лек, бе – ре – ке, те – ке – мет.

Оқушылардан кеме туралы не білетіндерін сұрау. «Кеме» мәтінін оқып беру. Әр қатардан оқушыларға оқыту.

Сергіту сәті.

«Жоқ буынды тап» ойыны

Ке.....         мек...       ше....

Кес.....         ең....        те.....

Осы сөздерден 3 сөйлем ауызша айытқызу.

Дәптермен жұмыс.

К әрпін ауада жазып көрсету. Тақтаға жазып көрсету .

Дәптерді дұрыс көлбей қою, дұрыс отырып әдемі жазу.

Қорытынды бөлімі.

-                    Қазір қай мезгіл?

-                    Күз.

-                    Күз сөзі қай дыбыстан басталып тұр?

-                    К.

Күз мезгілі туралы  әңгімелету. Күзде еңбектің қызу жүргізілетіні, қысқа дайындық болатыны айтылады.

Еңбек туралы мақал-мәтел айтқызу:

Еңбектің наны тәтті,

Жалқаудың жаны тәтті.

Күш білімде. Және т.б.

Сабаққа жақсы қатысқан балаларға әдемі көбелектер тарату. Мадақтау.

IV. Қорытынды.