""Описание материала:

"Қазақтың билері Төле, Қазыбек, Әйтеке бабаларымыздың өмірлері мен халқына сіңірген еңбектері және шешендік сөздері туралы деректер жинап, түсіндіру арқылы оқушылардың санасында улттық қасиеттерді ояту, шешендік сөздердің мәнін, қасиеттерін ұғындыруды мақсат еттім. «Аталы сөз - асыл қазына» қабырға газетін, үш бидің даналық сөздері жазылған плакаттар, буклеттерді, кітаптарды пайдаландық.

"Мұғалім сөзі. Құрметті қонақтар, ұстаздар, оқушылар! «Атамекен» бағдарламасының «Сөнбес жұлдыздар» бағытымен біз халқымыздың біртуар перзенттері, хандар мен билер, батырлар мен жыраулары, ғалымдар мен данышпандардың өмірі мен қызметтері, мұралары жайлы оқып үйренеміз. Бүгінгі өнеге сағатында қазақтың атақты үш биі: Төле, Қазыбек, Әйтеке бабаларымыздың өмір жолдары мен артына қалдырған аталы сөздері, қазақ тарихынан алатын орны туралы оқып-үйренгенімізді ортаға саламыз. Оқушылар Төле би, Қаз дауысты Қазыбек би, Әйтеке би туралы түсіндіреді.

"1-көрініс. «Төле би және екі жас би». Төле би 80-ге келіп отырған көзінде екі жас би келіп, Төлеге: - О, қасиетті ата! Ат берсеңіз өліп қалады, тон берсеңіз тозып қалады, онан да өлмейтін, тозбайтын нәрсе сүрайық. - Әп, бәрекелді, айта бер!