Қай заманда болмасын адамзат алдында тұрған ұлы мақсат- білімді де саналы ұрпақ тәрбиелеу. Болашақ қоғам иелерін жан-жақты жетілген, ақыл-парасаты мол, мәдени-ғылыми өресі озық азамат етіп тәрбиелеу-біздің қоғам алдындағы борышымыз. Ұрпақ зердесіне ұялар тіл орамдылығын арттырып, ой-өрісін кеңейту, сөздік қорын байыту мақсатында 9-сынып оқулығындағы стильдер тарауын негізге ала отырып жасаған «Публицистикалық стильдің қолданылу орны» атты бағдарламамда оқушының тіл мәдениетіне, айтайын деген ойының логикалық жағынан дәлелді, бұқараға ықпал ету сипатының басым болуына көңіл бөлдім.