Тіл ұстарту оқушы тілін дамытудың, сауатты жазудың негізі болып табылады.Тіл ұстарту - байланыстырып сөйлеуге, жазбаша сөйлеп, мәтін құрастыруға дағдыландыратын тіл дамытудың ең бір күрделі саласы. Мектепте тіл ұстарту үйретіліп отырған тілдік  материалдарға байланысты және арнаулы сабақтар, сыныптан тыс жұмыстар өткізу арқылы жүргізіледі. Қазақ тілі сабақтарында мектеп мұғалімдері, көбінесе, теориялық ұғым мен білім беруге назар аударады. Нәтижеде оқушылардың басым көпшілігі теория мен практиканы ұштастыра алмайды. Анығырақ айтқанда, оқушылар өз ойын ауызша мен жазбаша қарым- қатынастың түрлі жағдайларына байланысты дұрыс жеткізе алмайды, сондықтан теориялық материалдардың тіліміздегі қолдану ерекшеліктерін таныстыру, теория мен практиканы байланыстыру тіл ұстартудың негізгі мақсаты болып болып табылады. Оны жүзеге асырудың алуан формалары бар.