1-дауыс.Тыңда жолдас, тыңда дала, тыңда ел! Сөйлеп тұрған күн шығыстан жомарт өңір Қазақстан! Жұмыр жердің оңтүстік шығысында еркін байтақ өлке - менің елім келбетті, нұр сәулетті Қазақстан!

2-дауыс. Жасыл шүйгін, кең жайлау, асау өзен, асқар тау, кербез орман, көркем бел, лебі жұпар, ерке жел. Жанға сая панамыз-Қазақстан көркем жер!

1-дауыс. Бүгіннің биігінен көз салып көр еліме, бақыты мен шаттығы мол қазыналы жеріме. Қазақстан – бүгін міне жеке отау салтанатыжарасқан! Біротбасы, бір туысқан бір-біріне қарасқан! Тәуелсіздік асқарынан барласаң, бір шынардың бұтағындай кү нұрына таласқан!

2-дауыс. Қазақстан – бүгін міне достық туын тіккен жер! Мәуелі бақтай жемісін шашты көп ұлттар, бір кісідей маңдай терін төккен жер!

1-дауыс. Бүгін міне еңбек пенен ерліке, байлық пен ырысқа, әсем ән мен күйге толы, жырға толы,сырға толы менің байтақ мекенім! Бірліке білек қосылып,жүрекке жүрек тіл қатты,ағайында адамдай ұғысқан көңіл тым қатты!

2-дауыс. Бүгін міне өркендеуде өнеркәсіп, шалқып өсер шаруамыз. Мәдениет шешек атып, ғылымымыз өрлеуде. Байтақ Отан қол соғады дәл осындай қарқынға. Самға, өс, өркенде, жайна елім, аршында!