Сабақтың мақсаты: Ахмет Байтұрсынұлының өмірі мен шығармашылығы туралы

білімдерін дамыту.

Ақын өмірі мен шығармашылығына қызығушылығын ояту.

Ұлт ұстазына құрметсезімдерін тәрбиелеу.

Cабақтың көрнекілігі: слайдтар

Сабақтың барысы:

Ұйымдастыру кезеңі

Ақын өмірінен бейнеролик көрсетіледі.

Туып-өскен Торғайдың даласында,

Қайран елі қазағы санасында.

Тілі үшін жазықсыз жапа шеккен,

Арысын кім, ойланбай табасың ба?

Ол-ақын-жазушы,ағартушы-ғалым, қоғам қайраткері, ұлт ұстазы,көсем сөз шебері, бес арыстың бірі - Ахмет Байтұрсынұлы. Оның бүкіл еңбегінің мәнін бір ауыз сөзге сыйғызып айтар болсақ,ол бас әріппен жазылған Ұстаз,Халық ұстазы.

Құрметті қонақтар, ұстаздар мен оқушылар! Бүгінгі Ахмет Байтұрсынұлының өмірі мен шығармашылығына арналған "Қазақтың дара туған данасы" тақырыбындағы жарысқа қош келдіңіздер!

Сайысқа 4 сынып оқушыларынан құрылған екі топ қатысып отыр. Ендеше сол топтарды ортаға шақырайық.

4 "А", "Б" сынып оқушыларынан құрылған "Ынтымақ" тобы

4 "Ә", "В" сынып оқушыларынан құрылған "Достық" тобы.

Құрметті сайысқа қатысушылар! Жарыс барысында сіздердің араларыңыздан "Үздік ахметтанушыны", "Үздік топты", «Үздік мысалшыны» анықтайтын боламыз.

Ол үшін бізге әділ қазылар алқасы керек. Жарысымызға төрелік жасайтын әділ қазылар алқасымен таныс болыңыздар.