Қазақстан Республикасының әлемдік өркениетке кіруіне байланысты, білім беру саласындағы өзекті мәселелердің бірі жан-жақты дамыған, білімге деген оқу-танымдық қызығуы мол,қоғам талабына сай жоғары қабілетті тұлға тәрбиелеп қалыптастыру.

Осыған байланысты мектеп, баланың дамуында негізгі рөл атқарады. Оқушылардың білімін, біліктілігін тест тәсілмен тексеру қазіргі кезеңдегі білім беру жүйесінің негізгі мәселесі болып отыр.

Қазіргі кезде барлық мұғалімнің алдына қойған мақсаты – оқушылардың білімін, біліктілігін дамыта отырып ертеңгі Ұлттық Бірыңғай тестіден жоғары көрсеткіш нәтижелеріне ие болу. Ол үшін мұғалім оқыту мен тәрбиелеу мақсатында көптеген түрлі әдіс-тәсілдерді пайдаланғаны жөн.

Биология пәні бойынша ұсынылып отырған тест тапсырмаларының мазмұны осы ғылымның тірі ағзалар, өсімдік жасушасының құрылысы, өсімдіктердің вегетативті, генеративті мүшелері, өсімдік дүниесі, жануарлардың тіршілігі мен құрылысындағы ұқсастықтары, ерекшеліктері туралы мәліметтер өзара байланыстырылған.Тақырыптарды, әр тарауды қорытындылау кезінде оқушының алған білімін тексеру, есте сақтау қабілеттерін қалыптастыру, ой-өрістерін дамыту мақсатында тест жұмыстарының тиімділігі мол.

6-сыныптарға арналған тест кітапшасында оқушыларға ҰБТ-ға дейінгі дайындық материалы болып табылады.