Тема: “Чын дуслык нинди була?” Максат. 1. Сөйләм күнекмәләрен камилләштерү, лексик-грамматик материалны ситуатив тематик нигездә оештыру. 2. Укучының  логик фикерләү  сәләтен үстерү. 3. Балаларда  дуслык  хисе тәрбияләү. Җиһазлау: интерактив такта, магнитофон, аудиотасмаса, дуслык турында мәкальләр, лексик-грамматик таблицалар, презентация, дәреслек. Дәреснең планы I. Башлам өлеше. Укытучы. Исәнмесез, укучылар, утырыгыз. Бүген ничәсе? –        Атнаның нинди көне? –        Кем дежур? Кем юк? Ни өчен? (җаваплар бирәләр) Укытучы: Дуслык ул зур байлык. Сезнең дә һәрберегезнең дә якын дуслары бардыр, минемчә. Ә кемнәрнең дуслары бүгенге көнгә кадәр юк икән, сезнең аларны табасыгыз киләдер.Шулай бит? Бүген без сезнең белән бергә дәрестә  “Чын дус нинди булырга тиеш?” дигән сорауга җавап эзләрбез. II. Актуальләштерү. 1.Укытучы  укучыларга сораулар  бирә. У1.Синең дустың бармы? У2.Дустыңның исеме ничек? У3.Ул ничәнче сыйныфта укый? У4.Дустың кайда яши? У5.Сез кайчан дуслаштыгыз? У6.Сез кайда дуслаштыгыз? У7.Синең дустың нинди? (укучылар җавап бирә) 2.Укытучы: Хәзер мин сезгә раслау җөмләләр укып китәм, сезнең бурыч, әгәр бу раслаулар дөрес булса, килешәм яки юк дияргә кирәк булыр. Биремне барыгыз да аңладымы, укучылар? (укучыларның җаваплары) Чын дус һәрвакыт булыша, ярдәм итә. Чын дус теләсә булыша, теләсә булышмый. Чын дус миңа дәрес әзерләргә булыша.