Оқыту үрдісіндегі ең маңызды бөлімнің бірі- оқытудың нәтижесін тексеру. Тексерудің барлық түрін, әдісін, формасын қажетті жағдайда орындау, жүйелі түрде дұрыс қолдану оқыту сапасын жоғарылатып, оқушы үлгеріміндегі жетіспеушілікті дер кезінде ашуға мүмкіндік береді.

   Оқушылардың білімі мен білігін тексерудің түрлі формаларының ішінде соңғы кезде  тест бойынша тексеру  басты орында жүр.  Тест –ағылшын тілінен аударғанда «байқау», «бақылау», «зерттеу» деген мағынаны білдіреді.

    Тесттерді мектеп тәжірибелерінде қолдану болашағы зор, ол оқушылардың білімін салыстыруға, мұғалім әдістемесінде жіберілген олқылықтарды ашып көрсетуге, білім беру үрдісінде оқушылармен жеке жұмыс жүргізуге, әр түрлі оқу әдістерін салыстыруға мүмкіндік туғызады.