Саха сылгытын боруодата

       Биһиги Сахабыт сирин айылҕатыгар оһуобай боруода сылгы чочуллан үөскээбит.  Аан дойду былыргы боруодаларыттан саха сылгыта төгүрүк сыл устата аһаҕас халлаан анныгар сылдьан, сиртэн-буортан аһын булунар биир дьикти боруода буолар. Кыһынын кыратык эбиэс, от эрэ биэрэллэр. Кини тириитин анныгар муньуллар халыҥ сыата – тымныыттан туорууругар көмөлөһөр. Тайҕа үрэхтэрин хочолоругар, күөллэр кытыыларыгар кини кэтит туйахтарынан хаары хаһыйан, хагдарыйбыт оту булан сиир. Саха сылгытын бу уратыта былыргыттан билиҥҥэ диэри кэлии дьону дьиктиргэтэр.

       Саха сирин усулуобуйатыгар сылгыны иитии – хаһаайыстыба барыыстаах салаата. Билигин кинини эккэ анаан иитэллэр. Хаһан аһыыр атын боруодаларга тэҥнээтэххэ, этэ – сыата элбэҕинэн саха сылгыта бастакы миэстэҕэ турар.

      Сылгы уопсай ыйааһыныттан уҥуо5а 13-тэн тахса бырыһыаны ылар, оттон этэ – 70,5 бырыһыаны, сыата 17 кэриҥэ бырыһыаны ылар. Сылгы этин биир уратытынан кини сыа быыстааҕа, сымнаҕаһа, минньигэһэ буолар. Саха сылгыта намыһах уҥуохтаах, түүтэ олус хойуу, сиэлэ –кутуруга уһун буолар. Тыстара олус бөҕө, ол иһин кыһын халыҥ хаар анныттан хаһан аһыырыгар улахан көмөлтөлөөх.

      Саха сылгыта туспа боруода быhыытынан 1987 с.ССРС уонна РСФСР Госагропромнарын  бирикээстэринэн бигэргэтиллибитэ.

     2010 с. Бутун Россиятаа5ы сылгыны чинчийэр институт уонна Саха сиринээ5и тыа хаhаайыстыбатын научнай –чинчийэр институтун учуонайдарын,республика  племенной хаhаайыстыбаларын специалистарын, сылгыhыттарын улахан ситиhиилэринэн сылгы икки сана боруодаларын:Олуенэ энээринээ5и  уонна мэнэдьэк сылгыларын, ону таhынан  саха  боруодатын керуннэрин быhыытынан  дьааны уонна халыма сылгыларын бигэргэтии буолбута.