Қазіргі кездегі шапшаң жүріп жатқан жаһандану үрдісі әлемдік бәсекелестікті күшейте түсуде. Тіпті бірқатар дамыған елдерде бұл идея ұлттық қағидаға айналған. Елбасы Қазақстанның әлемдегі бәсекеге қабілетті 50 елдің қатарына кіру стратегиясы атты жолдауында «білім беру реформасы – Қазақстанның бәсекеге нақтылы қабілеттілігін қамтамассыз етуге мүмкінік беретін аса маңызды құралдарының бірі» деп атап көрсетті.

Білім беру үдерісінде компьютерлік технологияларды қолданудың маңызы зор, өйткені күнделікті өмірде және педагогикалық үдерісте компьютерді қолданбау мүмкін емес. Қоғамда ақпараттық ағымдардың өте тез  жылдамдықта  тарайтындықтан, ауқымды ақпараттық орта қалыптасады. Баланың ақпараттық қоғамға енуіне жаңа технологиялардың мүмкіндіктерін пайдалануға баулу қажеттілігін атап өткен жөн. Электрондық оқыту интернет желісі арқылы қашықтықтан оқыту мен интерактивтік оқытуға  жол ашады.Адам  қабілетінің дәрежесі, оның кәсіби  іскерлік шеберлігі, бизнес пен кәсіпкерліктің  нәтижелілігі, жаңалық ашуы тұлғаның шығармашылық ойлауына қатысты анықталды.