Фоат Садриев -якташ язучы, проект-урок по татарской литературе. Фоат Садриев  иҗатын йомгаклау дәресен оештыруның заманча нигезе. Программа буенча 7 нче сыйныфта төрле чорларда  мәхәббәт һәм матурлык хакында сөйләүче әсәрләр, татар әдәбиятында романтик юнәлеш, аның үзенчәлекләре  дәресләре бирелә: Ф.Садриевның “Кыргый алма әчесе” әсәре, 9 сыйныфта милли әдәбиятта 20  гасыр тарихын яңадан күздән кичерү, заман кешесе, татар кешесе образлары дәресләрендә Ф.Садриевның “Таң җиле” романы өйрәнү өчен бирелә. 11 сыйныфта аның “Бәхетсезләр бәхете” трилогиясе өйрәнелә. Программа Ф.Садриевның  иҗаты бик аз бирелгәнлектән, дәрестән тыш уку дәресләрендә аның башка әсәрләре өйрәнелеп кителә. Фоат Садриев 20 гасыр татар әдәбиятының төрле дәверләрдә реализм традицияләренә тугры калып, тормыш күренешләрен чынбарлыкка охшатып сурәтләүне әһәмиятле тапккан зур язычыларның берсе. Язучы иҗатын йомгаклау максатыннан, тәкъдим ителгән проект дәресне отышлы дип саныйм. Әлеге материалны класстан тыш чаралар үткәрү өчен файдаланырга була.