Тіл мәртебесі- ел мерейі

Мақсаты: оқушылардың қазақша сөйлеу дағдысын арттыру, қазақ халқынынң салт-дәстүрін, мәдениетін білуге, қазақ тілін меңгеруге, өз ойын жеткізе білуге үйрету, қазақ ақын-жазушыларының шығармаларымен  таныс болып, оны жатқа білуге баулу, оқушыларды отансүйгіштікке тәрбиелеу.

Көрнекілігі: тіл туралы нақыл сөздер, ҚР мемлекеттік рәміздері.

Түрі: сайыс сабақ

Әдіс – тәсілдері: сұрақ-жауап, іздену, топтармен жұмыс.

Сайыстың барысы:

Құрметті қонақтар, ұстаздар, оқушылар! Бүгінгі  « Тіл мәртебесі – ел мерейі» атты сайысымызға қош келдіңіздер!

Қазақ осы айтатұғын елге сыр,

О, ағайын, халық емес ол кесір.

Қазақ осы аңғал-саңғал жабусыз,

Қазақ осы ағыл-тегіл, көл-көсір.

Қазақ осы «Өнер алды – тіл» дейтін,

Қазақ осы қарасың ба, ақсың ба,

Қоңырсың ба, жатырқауды білмейтін, -  деп ағамыз Қадыр Мырза Әли айтқандай, ұлы қазақ даласында 130-дан астам басқа ұлт өкілдері татулықта, сыйластықта өмір сүріп жатыр.Қазақстанда тұратын әрбір адам Отанын сүйіп, мәдениеті мен тілін білу керек.

1-     Жүргізуші: - Осы мақсатпен Тәуелсіздік күніне орай  «Тіл мәртебесі- ел мерейі» атты сайыс жүргізіп отырмыз.

Әділ қазылар алқасымен таныс болыңыздар.

1-кезең: «Танысу».

Мұғалім сөзі: Құрметті қонақтар, мұғалімдер, оқушылар! Енді, сайысымыздың  «Танысу» кезеңін  бастаймыз (әр топ топтың атын, ұранын айтып, көрсетеді).

1-топ – 5б «Армандастар».

2-топ – 6б «Тұлпарлар» .

3-топ – 7б «Көгершіндер»