Фәнни-тикшеренү эше. Мәктәп лабораториясе шартларында чәйнең составын өйрәнергә, компонентларга аерып, алар белән тәҗрибәләр үткәрергә, төрлелеген һәм организмга тәэсирен ачыкларга була.

"Каркаде" чәен индикатор итеп тә кулланырга мөмкин һәм файдасы ягыннан өстенлеге дә күбрәк.

Мәктәп укучыларының нинди чәй куллануы турындагы социологик сорашу нәтиҗәләре дә китерелә.

Чәй барыбызга да билгеле көндәлек эчемлек һәм аннан башка тормышыбызны күзалдына китерү мөмкин дә түгел. Эссе көннәрдә сусауны яхшы баса торган чәйдә гадәти булмаган нәрсәләр юктыр кебек тоела. Ә шулай да нәрсә соң ул чәй?

Без чәйгә химик күзлектән чыгып карарга булдык. Шуңа күрә тикшерү объектыбыз булып чәйнең төрле сортлары тора.