"Описание материала:

Қоғамдағы соңғы жылдарда болған өзгерістер білім беру және жастар тәрбиесі жүйесіне өз әсерін тигізді. Кеңес дәуірінен кейінгі кезде Батыс елдерінен келген жаңалықтарға көңіл бөлу көбейді. Мектептің тәрбиелік ролі пәндік оқытуға ұмтылыспен ауыса бастады. Баланың зиятын дамытуды көбірек көздеп, мектеп өзінен тәрбиелік функцияны алып тастады.

Игілік, мейірімділік, адам, еңбек, Отан, отаншылдық деген өшпейтін құндылықтар шексіз бостандық, индивидуализм, байлық, күш, билік деген антиқұндылықтармен ауыстырыла бастады. Мәдениеттің өзгеруі мүмкін, әлеуметтік жағдай өзгерер бірақ адам өміріндегі адамгершілік құндылықтардың өзгеруі мүмкін емес. Қоғамның экономикасын, мәдениетін, әлеуметтік, рухани өмірін дамытуда әр адамның жеке тұлғасы, азаматтық келбеті, адамгершілігі, отаншылдығы, ұлтжандылығы, еңбекке деген шығармашылық қабілеті мен белсенділігі шешуші рөл атқарады.

Зерттеу міндеттері: Тақырыбыма байланысты төмендегідей міндеттер қойылды: - Оқушыларды танып – білу ; - Сабақта және сабақтан тыс уақыттағы азаматтық тәрбие жұмыстары; - Сынып сағаттарындағы, сыныптан тыс азаматтық тәрбие жұмыстары; - Азаматтық тәрбие мәселесін анықтау, оны шешу барысында ата - анамен жұмыс жасау.