Сабақты ұйымдастырудан кейін, сабағымды бағдарлама идеясына сәйкес топқа бөлуден бастадым. Бүгінгі сабақта оқушылар топтың ішінде өзара бағалайтыны ескертілді. Осы іс-әрекетім оқыту үшін бағалауды көргім келді.Оқушылардың  үйден орындап келген тапсырмаларын тексердім. Оқушылар деңгей бойынша сұрақ құрастыруда қиналады, көбіне төменгі деңгейлі сұрақтар қояды.

Оқушыларды сыни тұрғыдан ойландыру мақсатында «Жер бетінде болатын үдерістердің нәтижесінде туындайтын төтенше жағдайлар» тақырыбы берілді. Соның ішінен сабақтың нәтижесіне жетуге қарай,  ақпараттарды  алып, реттеп, флипчартқа түсіреді. Постер құру барысында  берілген тақырыптарын талқылап, топта толықтырылды. Осы жерде оқушылардың мақсатқа қарай әрекет жасағандарына қуандым. Екі топ бір-бірінің жұмыстарына екі жұлдыз, бір ұсыныстарын ұсынды.  Екі топ тапсырмаларды орындау барысында диалогтік тәсілмен   төменгі және жоғары деңгейдегі сұрақтар беріліп, оқушыларды тақырып бойынша сындарлы сөйлеуге ынталандырып отырдым.  Екі топта белсенді жауап берді.  Бірінші топта «С» деңгейіндегі Гулназ материалды жан-жақты қамтып, сыныпқа еркін жеткізе алды. «А», «В» деңгейдегі Владелина мен Бекзатта сабаққа қатысып отырды. Топта оқушылар сабақ туралы өз ойларын білдіріп, өздерінің көңіл- күйлерін «смайликтер» арқылы  көрсетіп отырды.

  Сабақты қорытындылауда «Стикерлер тобы» әдісі арқылы сұрақтарға жауап алынды. Оқушылардың сауалдарға жауабы мадақтау сөздері арқылы бағаланды. Оқушылар топтық ережеге сәйкес бір-біріне көмектесіп, жоспарлағанымдай топ түгел жұмыстанды. Сабақ «Үш өлшемді күнделік» әдісі арқылы  кері байланыс парағын толтырумен аяқталды.