Қысқа мерзімді біліктілікті арттыру курстары тыңдаушыларының жобалық жұмыстарын бағалау критерийлері

Жобалық жұмыстың құрылымы

Жоба келесі құрылымдық элементтерден тұрады:

         1) титул парағы (мектептің атауы, әзірлеушінің Т.А.Ә., қала және жыл көрсетіледі);

2) мазмұны (кіріспе, негізгі бөлім, қорытынды, қосымшалар);

3) кіріспе (таңдалған тақырыптың өзектілігі, жұмыстың мақсаты мен міндеттері, қолданылған әдебиеттердің негіздемесі, негізгі мәселенің құрастырылымы және қысқа мінездемесі);

4) негізгі бөлім (кіріспеде қойылған мәселе жүйелі түрде ашылады, дерекнама материалдарында осы мәселені шешудің жолдары қадағаланады, дәлелді ұстаным байқалады, оған деген әртүрлі авторлардың көзқарастары мен қарым-қатынасы көрсетіледі);

5) қорытынды (жобаның алға қойылған мақсаттары мен міндеттеріне сәйкес зерттеудің негізгі қорытындылары шығарылады, зерттеу нәтижелерін нақты пайдалану бойынша практикалық ұсыныстар немесе жалпы қорытындылар жасалады);

6) қолданылған әдебиеттер тізімі;

7) қосымшалар (қажет болған жағдайда);

8) слайд түріндегі таныстырылымдар.

Жобалық жұмысты әзірлеу және қорғаудың бағалауы келесі критерийлерді есепке ала отырып жүзеге асырылады:

1) теориялық және практикалық білім көлемі;

2) тақырыптың жаңашылдығы мен өзектілігі;

3) шығармашылық;

4) нақты мәселелерді шешу үшін өз білімін қолдана алу икемділігі;

         5) өз мәтіні мен таныстырылымын тақырыпқа сай және қисынды етіп құра алу икемділігі;

6) шешендік қабілеттері.