Кез келген ұлтта болмасын ұрпақ тәрбиесі ежелден-ақ ел болашағын  айқындап берер өзекті мәселенің бірі болып келгені ақиқат. Өйткені , елдің нұрлы болашағы сонау бағзы заманнан-ақ жас ұрпақтың білімдарлығы  және парасат пайымымен өлшеніп келген ғой. Осы орайда ұлы ойшыл Платонның «Бала тәрбиесі мемлекеттің аса маңызды міндеттерінің бірі болуы тиіс» -деген даналық сөздері еріксіз ойға түседі. Қазіргі қиын  кезеңде білім саласынан өзге өткір проблемалардың молдығына қарамастан, өзінің стратегиялық бағдарламасында  Елбасының бала тәрбиесіне басыңқы бағыт беруінің  өзі көп жағдайды аңғартса керек. Біздің көсегеміз көгеріп, абыройымызды асқақтатып, шетелдік алпауыттармен терезмізді теңестіретін де мектеп қабырғасында білім нәрімен сусындап  жатқан сол балалар болмақ.             Ұстаз – білім саласындағы басты тұлға. Ұлы ағартушы Ы.Алтынсариннің  сөзімен айтқанда «Мектептің тынысымыз соққан жұмыскер жүрегі іспетті. Ұстаз еңбегі үнемі жаңарып, жасарып тұратын шығармашылық  құбылыс».