Пән аты: Информатика

Сыныбы: 8 «А»,8 «Ә»

Сабақтың тақырыбы: Кестелерді, суреттерді, бейнені және дыбысты кірістіру. Анимация әсерлерін баптау. Презентацияларды көрсету.

Сабақтың мақсаты:

1. Power Point бағдарламасының көмегімен слайдқа кестелерді, суреттерді, бейнені және дыбысты кірістіруге, анимация әсерлерін баптауға,презентацияларды көрсетуге үйрету.

2. Әртүрлі ақпарат көздерінен қажетті материалдарды іздеуге, оны презентация құру барысында пайдалана білудегі білімдерін дамыта отырып, пәнге қызығушылығын арттыру.

3. Электронды проектіні безендіре білу дағдысын дамыта отырып, әсемдікке, үйлесімін таба білуге тәрбилеу.

Сабақтың әдісі: топтық, ұжымдық.

Сабақтың технологиясы: СТО, АКТ.

Пәнаралық байланыс: Музыка, Тарих.

Көрнекілігі: слайд, слайд-шоу, 6 түрлі түсті қалпақ, стикерлер.

Құрал-жабдықтар: компьютерлер -3, проектор, микрофон, экран,

флэш-жадылар, фотоаппарат,видеокамера.

Үлестірмелі материалдар: тапсырмалар жазылған карточкалар,

электрондық ресурстар

Дидактикалық материалдар: Слайдты презентация құру жайындағы жадынама , электронды проектіні құру алгоритмі.

.Дайындық кезеңі.

(сабақ өткізілуден1апта бұрын)

1. Ақпараттық технологияны игеру деңгейіне қарай үй тапсырмасын оқушыларға бөліп беру (Жақсы меңгерген оқушы мен орташа меңгерген оқушыны жұптастыра отырып, тапсырма беру).

Сабақ барысы:

1. Ұйымдастыру бөлімі.

2. Үй тапсырмасын тексеру. (Әр топ өзіне берілген тапсырмаға тоқталып өтеді. Интерактивті тақта көмегімен)

3. Электронды проект құру жайындағы мәліметтер.

Теория (мұғалім).

4. Ойлаудың «Алты қалпақ әдісі» (Сабақтың практикалық бөліміне кіріспе)

5. Қажетті материалдарды таңдап алып, жинақтау.

Практикалық бөлім (оқушылар).

6. Нәтижесін тексеру (проект презентациясы).

7. Қорытынды бөлім (стикер көмегмен оқушыларды бағалау).

8. Үйге тапсырма.

1. Ұйымдастыру бөлімі.

Рефлексия «Сәттілік!». Орындайтын тапсырмаларына қарай 4 компьютерге топтастырып отырғызу. Бүгінгі сабақтың мақсатымен таныстыру.

2. Үй тапсырмасын тексеру. (Әр топ өзіне берілген тапсырмаға тоқталып өтеді. Интерактивті тақта көмегімен)

Әр жұпқа берілген сабаққа алып келуі тиіс мәліметтер :

А тобы (Айбол, Жаңагүл)

• Интернеттен күйші Құрманғазы Сағырбайұлы туралы мәлеметтерді іздеу;
• Олардың ішінен қажеттілерін таңдап алу;
• Ақпаратты жазып алу (текстік, графикалық)
• Сәйкесінше бумаларға сақтау;
• Мұғалімнің компьютерінің жұмыс үстеліне сақтау

Ә тобы (Жасұлан)

• Мектеп кітапханасынан Құрманғазы Сағырбайұлы жайындағы мәліметтерді табу;
• Олардың ішінен қажеттілерін таңдап алу;
• Таңдап алынған материалды сканерден өткізіп арнайы бумаға сақтау;

Б тобы (Пакизат ,Ернар)

• Интернеттен Құрманғазы Сағырбайұлының күйлерін табу
• Бірнешеуін МР3 форматта жазып алып, флэш-жадыға сақтап алу;

В тобы (Меруерт, Мақсат)

• Интернеттен Құрманғазы Сағырбайұлының күйлеріне түсірілген бейнебаянды табу;
• Бірнешеуін жазып алып, флэш-жадыға сақтап алу;

Г тобы (Диар, Бақыт)

• Слайд макетін, дизайнын таңдау;
• Қаріп түрін, түсін таңдау;
• электронды проекттің жобасын құру;

Д тобы (Әсем, Алтынбек)

• Арнайы слайд-шоу бағдарламасына қажетті мәліметтерді таңдап алу;
• Слайд-шоу бағдарламаның көмегімен бірнеше минуттық бейнебаян дайындау.

3. Электронды проект құру жайындағы мәліметтер.

Гиперсілтеме-бұл құжатты орынға,файлға немесе веб-бетка сілтеме.

Гиперсілтемелер құру үшін мәтіндік үзікті белгілеп,содан кейін Вставка-Гиперссылка бұйрығын таңдайды.

Сұхбат терезенің сол жақ бөлігінде гиперсілтемені немен байланыстыру керек екенін таңдайды:

-Файлмен,web-бетпен-гиперсілтемелермелермен өтуді орындағанда ашылатын файл немесе web-бетті көрсетеді

- Құжаттағы орынмен-құжаттағы көрсетілген орны болатын гиперсілтемемен өтудің нәтижесі.

-Жаңа құжатпен-өту үшін жаңа құжат құрылады.

-Электрондық поштамен-гиперсілтемелермен өтуден кейін пошталық клиент жіберіледі.

Гиперсілтемелер құжатта көк түспен белгіленеді. Өту тінтуірдегі қатар пернесін басумен жүзеге асады.

Гиперсілтемені өзгерту және жою контекстік мәзір бұйрығы арқылы жүзеге асады.

Гиперсілтеменің бір нұсқасы мазмұн болады. Оны жеткілікті үлкен құжаттарды құрылымдауда пайдаланады (мысалы, реферат, кітап, баяндама). Мазмұн әдетте құжаттың басында не соңында орналастырылады.

Электронды проектіні құру алгоритмі:

1.Мектеп кітапханасынан және интернет желісінен күйші Құрманғазы Сағырбайұлы туралы мәлеметтерді іздеу;

2.Олардың ішінен қажеттілерін таңдап алу;

3.Ақпаратты жазып алу (текстік, графикалық);

4.Сәйкесінше бумаларға сақтау;

5.Мектеп кітапханасынан таңдап алынған материалды сканерден өткізіп арнайы принтер арқылы шығарып алу;

6.Интернет желісінен Құрманғазы Сағырбайұлының күйлерін табу;

7.Бірнешеуін МР3 форматта жазып алып, флэш-жадыға сақтап алу;

8.Интернет желісінен Құрманғазы Сағырбайұлының күйлеріне түсірілген бейнебаянды табу;

9.Бірнешеуін жазып алып, флэш-жадыға сақтап алу;

10.Слайд макетін, дизайнын таңдау;

11.Қаріп түрін, түсін таңдау;

12.Электронды проектінің жобасын құру;

4. Ойлаудың «Алты қалпақ әдісі». Бұл кезеңде оқушылар жинақталған материалдар көмегімен электронды проектіні, яғни Құрманғазы Сағырбайұлына арналған слайдты презентация құруға байланысты өз ойларын білдіреді. 6 түрлі қалпақтың өзіндік қасиеттері бар. Әр түс белгілі бір бағыттағы ойларға жауап береді.

5. Қажетті материалдарды таңдап алып, жинақтау.

Бұл бөлімде оқушылар 3 тоқа бөлініп, 3 компьютерге отырғызылады. Қалған 2 оқушы мұғалім компьютеріне отырғызылады. Әр оқушыға «Слайдты презентация құру жайындағы жадынама» таратылады. 3 топ оқушылары жинақталған материалдар көмегімен Құрманғазы Сағырбайұлына арналған слайдты презентацияны құрады. Электронды проктіні құру барысында суреттер, мәтіндер, күйлер және күйлерге түсірілген бейнебаяндар қолданылады. Мұғалім компьютеріне отырғызылған 2 оқушы «ФотоШоу» арнайы бағдарламасы көмегімен қысқаша бейнебаян дайындайды. Суреттерді кірістіре отырып дайындайтын бейнебаянға, Құрманғазы Сағырбайұлының өмірбаяны туралы мәтінді микрофон арқылы жазып, кірістіреді.

6. Нәтижесін тексеру. 3 топ оқушылары электронды проектілерін құрып болған соң, интерактивті тақта көмегімен көрсетеді. Топтардың жұмысын сараптап болған соң, «ФотоШоу» бағдарламасы көмегімен жасалған бейнебаянды тамашалайды.

7. Қорытынды бөлім. Бұл бөлімде әр топ оқушылары қарсы топ оқушыларының жұмысын алдын ала таратылған стикер көмегімен бағалайды. Стикерге жазылған пікірлерін тақта жанында ілінген талдың суретіне жапсырады. Сол пікірлер ескеріле отырып, оқушылар бағаланады.

8. Үйге тапсырма. Шығармашылық жұмыс. Слайдты презентация дайындаған 3 топ оқушыларына арнайы «ФотоШоу» бағдарламасын пайдаланып, бейнебаян дайындау. Қалған 2 оқушыға жинақталған материалдарды пайдалана отырып, слайдты презентация дайындау.