Тема: “Ашамлыклар” темасын кабатлау 2 сыйныф   Дәрес максатлары: Белем бирү максаты: “Ашамлыклар” темасы буенча өйрәнелгән лексик-грамматик материалны ныгыту,системага салу; сөйләмдә кулланна белүгә ирешү эшчәнлекне планлаштыру һәм аны тормышка ашыру юлларын эзләү,табу,нәтиҗә ясау;  Фикер сәләтен үстерү максаты:укучыларның фикерләү сәләтен,дәлилли һәм нәтиҗә ясый белү күнекмәләрен үстерү,сүзлек запасын баету. Мавыктыргыч материаллар ярдәмендә татар телен өйрәнүгә кызыксынучанлыкны үстерү. Тәрбияви максат : ризыкка хөрмәт тәрбияләү; дустанә мөнәсәбәтләр тәрбияләү. Дәрес тибы: ЛГКК Җиһазлау: ноутбук, мультимедия проекторы, интерактив такта, презентация,биремле карточкалар, “кибет” уенына әзерләгән уенчыклар, документкамера, дәреслек.   Дәрес планы: 1. Оештыру өлеше. -Исәнләшү - Уңай психологик халәт тудыру. 2. Өй эше тикшерү 3. Дәрескә максат һәм бурычлар кую. Укучыларның уку эшчәнлеген мотивлаштыру. - ребус чишү - дәреснең темасын атау -дәреснең максатын билгеләү. 4. Белемнәрне актуальләштерү (контроль дәрескә әзерлек максатыннан). - фонзарядка - “кайнар бәрәңге” уены - хәрефләр арасыннан сүзләр эзләү 5. Физминутка 6. Белем һәм осталыкларны яңа ситуациядә куллану. - дәреслектәге күнегүне эшләү - интерактив тактада эшләү (“кар йомарламы” уены). 7. Белемнәрне гомумиләштерү һәм системалаштыру. - кибет уены. 8. Үзләштерү дәрәҗәсен ачыклау. Җибәрелгән хаталар буенча фикер алышу һәм төзәтмәләр кертү. 9. Өй эше бирү. 10. Рефлексия.