Ике составлы җөмләләр турында гомуми төшенчә. Җыйнак һәм җәенке җөмләләр.Тема: Ике составлы җөмләләр турында гомуми төшенчә. Җыйнак һәм җәенке җөмләләр. Максат: 1) укучыларның ике составлы җөмләләр турында белемнәрен тирәнәйтү; 2) җыйнак һәм җәенке җөмләләр турында гомуми мәгълүмат бирү; 3) укучыларның сүзлек составын баету; 4) танып-белү активлыгын һәм мөстәкыйльлекне үстерү; Җиһазлау: плакат, таблица, индивидуаль-дифференциаль карточкалар, перфокарта, тест. Әдәбият исемлеге: 1. Тумашева Д.Г. “Хәзерге татар әдәби теле” / Д.Г.Тумашева.-Казан: Казан дәүләт университеты, 1978-200б. 2. Б.М.Мифтахов “7нче сыйныфта татар теле дәресләре” (укытучылар өчен методик кулланма ).-Казан: “Мәгариф” нәшр.1995-80б. 3. Б.М.Мифтахов, Г.М Сөнгатов “Татар теле”, (Татар урта гомуми белем мәктәбенең 7нче сыйныфы өчен дәреслек ).-Казан: “Мәгариф”нәшр. 2002-143б. Укыту принциплары: 1. Дидактик принциплар: а) фәннилек; б) системалылык, эзлеклелек; в) дәвамчылык; г) теорияне гамәл белән бәйләү; д) укучыларга дифференциаль якын килү; е) күрсәтмәлелек.