Россия Федерациясе Конституциясе белән таныштыру җәмгыять белеменнән 6 нчы класста ук башлана. Укучыларның ЕГЭ һәм ГИА биремнәрен үтәгәндә һәм гомүмән һәрбер кешенең тормыш позициясендә төп чыганак булып Россия Федерациясе Конституциясе санала. Шуңа күрә мин,  иң беренче чиратта, кече яштән үк укучыларны Конституциядәге кешенең төп хокуклары һәм бурычлары, дәүләтебезнең төзелеше белән таныштыруны, Ватанга мәхәббәт тәрбияләүне төп бурыч итеп алдым. Минемчә Конституция статьяларын өйрәнү укучыларның критик фикерләү сәләтен үстерергә иң ярдәм иткән чыганакларның берсе булып санала һәм документлар белән эшли белү күнекмәләрен арттыра.