"Топтық жұмыс - мәселені бірлесіп шешудің басты құралы" тақырыбында өткен коучинг. Коучинг басында "Поющие фонтаны" видеосын пайдаланып жағымды психологиялық ахуал тудырттым. Одан кейін әр мұғалімге жеке сұрақтар беріледі. Бұл сұрақтар әртүрлі пәндерден, мақсат - сұраққа жалғыз болып жауап беру қиын екендігін түсіндіру. Одан кейін сұрақтардың бағыты бойынша мұғалімдер топқа бөлінеді. Әр топқа теориялық материалдар (топтық жұмыс туралы нұсқаулық) таратылып, постерлер қорғалады. Елшілер өз жұмыстарын қарсы топқа барып түсіндіреді. Сосын мұғалімдерді тағы да топқа бөліп, пікірлер алаңын құрады. Ол жерде қарсы пікірлер қорғалады. Міндетті түрде коучинг соңында рефлексия жүргізіледі.