Коуч ретінде әріптестеріме біршама көмек бере алдым. Өткізілген коучингте әріптестеріме ой салатын бірнеше әдіс-тәсілдерді үйреттім. Кейіннен әріптесім өз сабақтарында коучингтан алған білімдерін қолданып, оның қандай нәтиже бергенін айтып, қуаныштарын білдірді. Мысалы, топтық жұмыс, әр оқушының  рөлге бөлінуін, фишбаун әдісі арқылы сыни ойлауға жетелегендерін, бағалау парағы арқылы қалыптастырушы бағалауды енгізе бастағандарын жеткізді. Сапалы білімін өмірдегі қажеттіліктеріне пайдалана білетін ұрпаққа Бағдарламаның идеяларын жақсы меңгерген мұғалім қажеттілігін  әріптестерім де мойындады.