Metodik vəsait riyaziyyatın konstruktiv təlimlə tədrisinə

həsr olunmuş, konstruktivizm nəzəriyyəsinin prinsiplərinə

əsasən işlənmişdir. Kitabda təfəkkürü inkişaf etdirən riyaziyyat

elmi ilə idrakı proseslərə əsaslanan konstruktiv təlimin

uğurlu vəhdəti yaranmışdır.

Kitab üç bölümdən ibarətdir. “Riyaziyyatın konstruktiv

təlimlə tədrisi metodikası” adlanan kitabın birinci bölümü

metodiki araşdırmalardan və konstruktiv təlimlə tədris

olunmuş riyaziyyat dərslərindan ibarətdir. Buradakı metodiki

araşdırmalar müəllim işini istiqamətləndirmək üçün

nəzərdə tutulmuşdur. Nümunələrdəki mövzular ətrafında

aparılan araşdırmalar isə dərsləri genişləndirərək mövzu

ilə bağlı fəsli əhatə edərək yeni bilikləri yaradır. Kitabdakı

araşdırmaların maraqlı cəhətlərindən biri sualların

qoyuluşunda və cavabların məntiqli olmasındadır ki, bu

da öz növbəsində yaradıcı təfəkkürdə gələcək bilikləri də

yaradır.

Fikirlərimi müəllifin konstruktiv təlimlə tədris etdiyi “Xətti

funksiya və onun qrafiki” mövzusu üzərində aydınlaşdırmaq

istəyirəm. Müəllif mözunun tədrisi zamanı xətti funksiyanı

qüvvət funksiyası şəklində göstərir.

Şagirdlər qüvvət üstünü dəyişməklə xətti funksiyadan

gələcəkdə tədris olunacaq silsilə funksiyalar alırlar və onlar

haqqında müəyyən mülahizələr söyləyirlər. Sonda isə

4

Nurlan Quliyeva

xətti funksiyanı iqtisadiyyata-bazara tətbiq etməklə elmlə

həyatı əlaqələndirirlər.

“Düşüncənin riyazi dili” adlanan ikinci bölüm riyazi hekayələrdən

ibarətdir. Burada müəllif riyazi qanunauyğunluluqları

obrazlara çevdiyi riyazi anlayışların dilindən izah

edir. Zənnimcə, riyaziyyatın müxtəlif sahələrinə aid olan

bu cür elmi hekayələr təfəkkürün inkişafında müstəsna rol

oynaya bilərlər.

Üçüncü bölümdə isə gənc mütəxəssisin təcrübi mülahizələrini,

nəzəri qənaətlərini özündə əks etdirən elmi

məqaləsi yer almışdır.

Ümumiyyətlə, kitabdakı bütün mövzulada riyaziyyatı

həyatın və elmin müxtəlif sahələri ilə birləşdirən, yaradıcı

öyrənməyə təkan verən riyazi və məntiqi suallar, düşündürücü

cavablar vardır.

Fikrimcə, riyaziyyat dərslərinin konstruktiv təlimlə tədrisi

riyazi təfəkkürün inkişafında və şagirdin şəxsiyyət kimi

formalaşmasında mühüm rol oynadığından kitab təhsil islahatlarına

uyğundur və müəllifin fikirləri təqdirəlayiqdir