"Описание материала:

Бастауыш сыныпқа арналған математика оқулығында шығармашылық деңгейге арналған жасыл қоршаумен берілген логикалық тапсырмалар бар. Ол тапсырмаларды үй тапсырмасы ретінде беруге болмайды.Сыныпта жалпылай тапсырма ретінде беріп, талдап шығарған жөн. Логикалық есептерді шығару арқылы оқушылар дұрыс ойлауға, сын көзбен қарауға, бақылағыштыққа машықтанады. Логикалық есептерді математика сабағының кез келген кезеңінде беруге болады. Сабақтың басында оқушыларды қызықтыру үшін ойлануға көп уақыт кетпейтін қызықты әзіл есептерді, ойын, жұмбақ есептерді, дене сергіту ретінде логикалық жаттығуларды да өткізуге болады. Жылдам есептеу дағдыларын жетілдіру мақсатында ауызша есептеулермен қатар баяндама желісінде көрсетілгендей есептеулерді слайд арқылы беруге болады. Логикалық есептер оқушылардың логикалық ойлау қабілеттерін дамытумен қатар, математика пәніне деген қызығушылықтарын да арттырады.