Қазіргі кезде балалар дарындылығын арттыру үшін көптеген жұмыстар жасалынуда. Солардың ішінде дарынды оқушылар арасында ғылыми пәндер бойынша өткізілетін пәндік олимпиадалардың орны ерекше.

Пәндік олимпиадалар- оқушылардың білім деңгейін тексерудің бұқаралық сипаттағы жарыс түрінде өткізілетін бірден-бір формасы.

Жалпы пәндік олимпиадалар мектеп оқушыларының  пәнге деген қызығушылығын тудырумен бірге, олардың білімін бағалаудың әділ жолы болып табылады.Мектеп оқушылары арасында биологиядан пәндік олимпиада өткізудің басты мақсаты-дарынды оқушыларды іріктеу, кәсіптік бағдар бере отырып, биология саласындағы  мамандықтарды  игеруге шақыру, маман-кадрлар дайындауға үлес қосу, білім мен тәрбие берудің оңды жолдарын іздестіру.

7 сынып оқушыларына арналған олимпиада тапсырмалары кіріктірілген оқу бағдарламасына негізделген.

 Критериалды бағалаудың кіріктірілген моделі (әрі қарай - КБКМ) Білім берудің кіріктірілген бағдарламасына енетін пәндер бойынша оқушының жетістіктерін бағалаудың бірнеше түрлерін қамтиды.

Оқыту, оқу және бағалаудың бірегейлігі принципіне негізделе отырып, оқушылардың жетістіктері мен дамуын ұдайы және дұрыс қадағалануын қарастырады.  «7-сыныптың» «Биология» пәні бойынша олимпиада тапсырмалары да осы принциптерді ұстана отырып , құрастырылған.