Тақырып: Отан туралы мақал-мәтелдер   Мақсаты: Ұрпақтан ұрпаққа мұра боп қалып жатқан ауыз әдебиетінің                     бай саласының бірі-қазақтың мақал-мәтелдері туралы түсінік беру.                     Оқушылардың ойлау қабілетін шыңдау.                    Ауыз әдебиетінің кең тараған түрі- мақал-мәтелдер. Басқа әдеби мұраларға қарағанда мақал-мәтелдердің ерекше қасиеті көлемінің шағындығы, мазмұнының кеңдігі, тілінінің өткірлігі, мағынасының тереңдігі.        Мақал-мәтелдердің тақырыптары әр алуан.        Басты тақырыптары:  Отан, туған жер, туған ел, батырлық,ерлік, еңбек, ынтымақ,бірлік, достық, төрт түлік мал, өнер, білім,оқу, ғылым.        Отан,туған жер, атамекенге байланысты.        Отан туралы мақал-мәтелдерде халықтың еліне, Отанына, жеріне деген        сүйіспеншілігі түйінделген , сонымен қатар ата-бабамыз Отанын сүюді кейінгі        ұрпаққа өсиет еткен.     1. Туған жердің күні де ыстық,      Түні де ыстық.   2. Отансыз адам,      Ормансыз бұлбұл.   3. Отан- оттан да ыстық.   4. Ел іші-алтын бесік.   5.Кісі елінде сұлтан болғанша,    Өз елінде ұлтан бол.   6. Туған жердей жер болмас,      Туған елдей ел болмас.