Сөләйманова Гөлшат Ислям кызы, Яңа Чишмә муниципаль районы Зирекле лицееның I квалификация категорияле педагог-оештыручысы.   Бөек Ватан сугышы тәмамлануга 70 еллыкка әзерлек  уңаеннан “Җилкәннәр” отряды белән “Сугыш елларының каһарман балалары” темасына үткәрелгән отряд җыены.    Җыенның максаты: Бөек Ватан сугышында катнашкан Герой пионерлар,  Бөек Ватан сугышы ветераннары,  кайнар нокталарда хезмәт иткән якташ-ветераннарның күрсәткән батырлыклары  белән таныштыру; алар турында мәгълүмат биреп, батырлыкка рухландыру; батырлык турындагы мәкальләр аша укучыларга патриотик тәрбия бирү; туган илгә мәхәббәт хисе булдыру. Экранда “Советлар Союзы Герое “ исеменә лаек булган пионерларның портретлары, Бөек Ватан сугышында һәлак булган авылдашларга багышланган “Сугыш өткән еллар” исемле китап, батырлык турында мәкальләр , экран, презентация.     Әйдаман җыен барышында Ватан геройлары ,герой-пионерларның батырлыгы турында сөйли.    Көн тәртибендә: 1.Отряд җитәкчесенең рапорты. 2.”Тормышның мәгънәсе нидә?” дигән сорауга җавап эзләү. 3. Ватаныбыз кичергән сугышлар турында сөйләшү үткәрү. 4. Герой-пионерлар турында мәгълүмат бирү. 5. Батырлык төшенчәсен ачыклау. 6. Йомгаклау.