2.Кім зерек?

        Жұмбақ

1.Кірпіштен сарай,үй салады,

Ол адам кім болады? (Құрлысшы)

2.Ауырған адамның қасында

Емделудің жөнін айтар.(дәрігер)

3.Тәп-тәтті тамағы,

Астың маманы  (аспаз)

4.Қолдағы    жұмыс жарағы

Қайшы мен тарағы   (шаштараз)

   5.Маңдайға жағып шырақты,

Жер асты оның тұрағы.

Ағызып отын өзенін,

Жылытқан кім өз елін (шахтер)

6.Жылдам ұшып ғарышқа,

Танытқан бізге ғаламды,

Кім екен ? (ғарышкер)

7. Оқу білім үйреткен,

Ардақты адам кім екен? (мұғалім)

  3. Ойға жина. Әңгімелеу.

     -Мұнайшы, шахтер мамандықтары өте қиын мамандық. Мұнайдан алынатын жанармай, жағармаймен машиналар жүреді. Мұнайдан парафин алынады. Парафинді электр жарығы жоқ кезде пайдаланамыз. Шамшырақты дұрыс пайдаланбасақ, одан өрт шығу қауіпі туып, айнала қоршаған ортаға көп шығын әкелуі мүмкін. Сол себепті сақтық ережелерін сақтау қажет. Таскөмір тұрмыста жылу үшін, әкті құрылыста үйлерді ағарту үшін пайдаланады.Тас қалаушы-құрылыс маманы. Үй құрылысында әртүрлі мамандық иелері бар. Олар: ағаш шебері, сылақшы, тас қалаушы, краншы, дәнекерлеуші, шатырлаушы. Сәулетші үйдің жобасын жасағаннан кейін құрылыс орны таңдалып алынады. Экскаваторп өзінің үлкен қалағымен жерді қазады. Құрылысшылар үй қалайды. Сол сияқты басқа да мамандық түрлері бар. Олар: дәрігер, архитектор, инженер, шахтер, т.б.

4. Кім білгір? Сурет бойынша әңгіме

-Суретте  қандай мамандық иелері бейнеленген?

   -Кім қайда жұмыс істейді?

-Ал сендердің ата-аналарың қайда жұмыс істейді?

-Тағы қандай мамандық иелерін білесіңдер?

Сергіту сәті:

Біз ұшамыз, ұшамыз,

Бар әлемді құшамыз.

Әрбір ел мен қалаға,

Қуанып бақыт сыйлаймыз

5 . Біле жүрейік. Әліппе- дәптермен жұмыс

   -Сурет бойынша құрлысшылардың еңбегі туралы әңгімеле.Құрлыста қандай мамандық  иелері еңбек етеді?

Сурет бойынша шахтер мамандығының қыр- сырын түсіндіру

6.«Кім болам?» дидактикалық ойын

Шарты: Балаларға болашақта қандай мамандық  иелері болатындығын және елге қандай пайда келтіретіндерін әңгімелету.

-Сен қандай мамандықты ұнатасың?

ІҮ.Қорытындылау

-Қандай мамандықтарды білесіңдер?

-Дәрігер не істейді?

-Жақсы мамандық иесі болу үшін не істеу керек?

Оқу іс-әрекетінен күтілетін нәтиже::мамандықтар туралы түсінігін нығайту

Баланың білуі:  Пайдалы қазбалардың алыну жолдарын білу

Баланың меңгеруі: жанар майлар бар жерде сақтық ережелерін сақтау

Жасай алуы: сурет бойынша әңгімелеп беру