Әлеге чара балаларда туган халкына, туган теленә карата горурлык хисе, мәхәббәт тәрбияләү, аларда халык иҗаты, аның бай мирасы белән кызыксыну теләге уяту, шул хисне үстерү, тирәнәйтү, балаларның рухи дөньясын баету, иҗатка омтылышы булган балаларның сәләтен үстерү максатыннан уздырыла.

Аулак өй кебек чараларны әзерләгәндә һәр бала халкыбыз бәйрәмнәре, йолалары, гореф - гадәтләре белән таныша, баланың белеме камилләшә. Халык җырларын күмәк өйрәнүбелән бергә бәет, бишек җырларын аккомпониментсыз, төп тональлекне саклап җырларга өйрәнә. Балаларга бик тә түгәрәк уеннары ошый. Ул уеннар үз чиратында сабыйларда бердәмлек , ярдәмләшү кебек күркәм сыйфатлар тәрбияли.