(Тамчы-шоу  интеллектуал уены)

Максат:

   1.Укучыларның  кошлар турында күзаллавын конкретлаштыру һәм алар турында кайгыртырга өйрәтү;

   2. Табигатькә,әйләнә-тирә мохиткә  мәхәббәт тәрбияләү;

        3. Экологик тәрбия бирү.

Җиһазлау:  урман кошлары,бакча ,парк,басу кошлары рәсемнәре,кош оялары,Кызыл китапка кергән кошлар рәсемнәре,Татарстан Республикасы КЫЗЫЛ КИТАБЫ,кошлар тавышы яздырылган дискалар.

          Зал бәйрәмчә бизәлә. Безнең якларда кышлаучы һәм күчмә кошларның рәсемнәре куела. “Кошлар - безнең дусларыбыз” дигән рәсем күргәзмәсе оештырыла.Укучылар үз куллары белән ясаган кош оялары алып киләләр. Алдан ук укучылар кошлар турында табышмаклар, мәкальләр, сынамышлар җыялар. Һәр сыйныф кошлар турында җыр һәм шигырь әзерли. Бәйрәм буласы залда магнитафон тасмасына язылган кошлар тавышы.