Фәнни-тикшеренү эшемнең темасы:  “Мин-табигать баласы» дип атала. Бу презентациямнең  максаты:   туган  авылым - Вахит   табигатенә   мәхәббәт тәрбияләү;  яраткан   шагыйрьләребезнең, язучыларыбызның   әсәрләре   аша  табигатьнең матурлыгын күрә белергә,   саклый  белергә өйрәнү; танып –белү сәләтемне үстерү. Эшемнең актуальлелеге: элек-электән кеше табигатьнең гүзәллегенә сокланган, аңа багышлап бик күп җырлар, шигырьләр, картиналар, хикәяләр иҗат иткән. Үз эшләрендә табигатьнең камил һәм кабатланмас булуын, аның ярдәмгә мохтаҗлыгын, табигать белән һәрчак гармониядә яшәргә кирәклеген ассызыкларга, Табигать-анага ярдәм итү юлларын, табигатьне яратуларын һәм аны яхшы белүләрен дә күрсәтергә теләгәннәр. Эшемдә табигатьнең кагыйдәләренә,кануннарына каршы килмичә аңа булышырга чакырдым.