Зулла насан авдг.

Күсл:  Күүкдт зулын белдвр ямаран болдгинь, зулан яһҗ кедгинь үзәд медүлх.

«Зул» - хальмг  улсин ончта өдр.  Эн өдр хальмг улс бәәсн насн деерән неҗәд нас немҗ авна.

 Зуңква бурхн төрәд, деерәс бууҗ ирсн өдриг  «Зул» өдр гиһәд, сән байрта өдрт  тохрасн  болдг..

  Бурхн нас авсн өдрт цуг хальмг әмтн дегц нег өдр  нас  авна Зулын өмн ик белдвр кенә: гер дотркан уһаҗ арчна,  шин хувц уйҗ авна, яһад гихлә «Зул» өдр  хальмг улс кеердмн.  Боорцг өмн асхнднь кенә. Шикр-балта хулдҗ  авна. Боорцгар, шикр-балтаһар дееҗ бәрнә.  Ик урдаснь кеер  теегт  һарад  йөркг өвс  түүҗ  авад хагсана.  Дөрвн  хурһарн кемҗәләд, хуһлад  олн йөркг белднә.  «Зул» өрүн герин эзн күүкд күн эрт босад,  зулын цәәһән чанна. 

Цәәһән чанчкад дееҗ өргнә.  Герин эзн күүкд күн: Орҗах  шин җил цаһан хаалһта болтха! 

 Герин эзн  залу күн Зулг  өргнә.  Шаңһд  2,3 дусал цә авад, барун көләрн үүднә  эрк алхад, барун  һарарн  деегшән герин деевр  деер  цацна.  Зулг далд йовх ээҗ-аавдан, теңгр - бурхнд  нерәдҗ бәрнә.   Өрк-бүләрн сууһад, цәәһән эдлдмн. (бер цә өгчәнә)