Бу дәрес-сәяхәт 5 нче сыйныфта татар теленнән “Лексика һәм сөйләм культурасы» дигән бүлекне тәмамлаганнан соң үткәрелә. Дәреснең максаты:  укучыларның лексика һәм сөйләм культурасы бүлеге буенча алган белемнәрен тикшерү, аларны  системага салу, практик куллана алуларына ирешү, укучыларда дөрес язу күнекмәләрен ныгыту, туган телнең матурлыгын тоярга өйрәтү, телебезгә, табигатебезгә мәхәббәт тәрбияләү. Дәрес тукталышларга бүленгән. Һәр тукталышта укучы үзенең белемен күрсәтә алса гына, алга таба сәяхәт итә ала. Дәрес ахырында укучыларның белемен тикшерү өчен тест биремнәре дә бирелгән. Бу дәрес укучыларда үз җавапларын төгәл, аңлаешлы әйтүне, фикерне  туплый белүне таләп итә.