Бесік - сан ғасырлар бойы ұлттың ұясы, қазақы тәлім-тәрбиенің қайнар көзі, бабамыздан қалған киелі мүлік, қой үстінен бозторғай жұмыртқалаған мамыражай тіршіліктің белгісі іспетті. Бесікті қатты қадірлейтіндігі соншалықты, қазақ атасы жатқан бесікке бала, немере, шөбере, шөпшек, тіпті туажатына дейін бөлейді.

Бесікке салу(салт) рәсімі – нәрестені алғаш бесікке бөлеу үшін

жасалатын ғұрыптық салтанат. Қазақ баласын ағаш бесікке салып өсірген. Ағаш бесік көшпелі өмірге өте қолайлы болған. Бесік иіп кептірілген талдан жасалады. Бесікті көбінесе баланың нағашы жұрты алдын ала жасатып, бесік тойына алып келген.