Вахит мәктәбендә мин “Нәфис сүз” түгәрәге алып барам. Бу түгәрәк төрле юнәлешләр буенча эшләп килә. Презентациядә “Нәфис сүз” түгәрәге буенча үткәргән кичәнең максаты: 1. Укучыларда җыр сәнгате аркылы татар теленә, халкына, аның гореф-гадәтләренә кызыксыну уяту; 2. Вокал әсәрләрен дөрес  итеп башкарырга өйрәтү; 3. Балаларның үзләре турында шигырьләр чыгаруы, аларны ата-аналарга җиткерүләре. Бурычлары: 1. Татар халык җырларын өйрәтү; 2. Җыр аркылы балаларның туган ил тарихы, җыр, музыка  сәнгате буенча белемнәрен арттыру; 3. Укучыларны музыка, сәхнә культурасына, коллективта үз-үзен тотышына  игътибар итәргә өйрәтү; 4. Гади һәм катлаулырак вокал әсәрләрен өйрәткәндә белем һәм күнекмәләр булдыру; 5. Сәхнәдә үз-үзеңне тотышыңа игътибар итәргә өйрәтү. Кичәдә катнашкан һәр балага бергә-бергә шигырь чыгардык. Түгәрәккә йөргән укучылар берничә тапкыр “Тамчы-шоу” программасында катнаштылар.