Егеменді еліміздің болашақ азаматтарына терең білім беру, оны өмірде қолдана білу дағдыларын қалыптастыру – бүгінгі ұстаздар қауымына үлкен жауапкершілікті жүктеп отырғандығы белгілі. Оқушылардың математикалық ой-өрісін дамыту, пәнге деген қызығушылығын ояту математикадағы басты проблеманың бірі. Әр сабақ – мұғалім ізденісінің жемісі. Сабақтың тиімділігін арттыру және оқушылардың математика пәніне қызығушылығын тудырудың жолдарының бірі сабақ барысында оқушылардың алған білімін баяндауға ынталығын және математика тарихының элементтерін енгізу, ойына түрткі болатын математика туралы қызғылықты материалдар, әр тұрлі тартымды есептер, математикалық софизмдер мен ойындар сабақ үстінде өзінің орнын табары сөзсіз. Сонымен қатар, түрлі әдістемелік жүйе, әдістер мен тәсілдер мектепте математика пәнін оқыту  үрдісіне енуде.