8-сыныпта "Сарыарқа" тақырыбында өткен бұл ашық сабағым оқушылардың туған жерге деген қызығушылығын арттыру мақсатында болды, яғни оқушыларыма өз елімізде де керемет дем алатын денсаулығын түзетуге болатын рекреациялық аймақтардың бар екенін және де жай ғана көңіл күйді көтеруге болатынын ұғындыруға тырыстым. Оқушылар сабақ үстінде интернет көздерін пайдалана отырып түрлі географиялық атаулардың шығу тегін анықтауға тырысты. Оны постер жасаған кезде оқулықтан тыс қосымша мәліметтер жинақтап, ақпарат беріп қорғағанынан байқадым. Дегенмен оқушылар тапсырмаларды орындау барысында уақыт тапшылығы байқалып тұрды. Яғни мен келешекте оқушыларымды уақытқа сай, жылдам жұмыс жасауға қалыптастыруым керек. Өйткені бүкіл әлем астрономиялық жылдамдықпен дамып жатқанын ескеретін болсақ, біз заман ағымынан қалып қоюымыз мүмкін.