«Сәлем берем үлкенге» тақырыбы Ә.Бөкейхан атындағы №76 ЖББОМ педагог – психологы Акедилова Куралай Куанышевнаның әзірлеуімен дайындалған. Сабақтың үш бірлікті мақсаты бар. 1. Өлеңмен таныстыру және өлеңнің мазмұнын аша отырып, оқушылардың мәдени сөйлеу дағдысын қалыптастыру, тілдік қорларын қолдануға, өз ойын ашық айта білуге үйрету; 2. Оқушыларға өлең мазмұнын меңгерте отырып, сөздік қорларын молайту, тіл байлығын арттыру; 3. Сыпайы және инабатты болуға, мейірімділікке, әдептілікке, үлкендерді сыйлай білуге тәрбиелеу; Сабақтың ұйымдастыру кезеңі мен өту барысы мәнді ұштасқан. Тәжірибелік маңыздылығы жоғары, себебі жас ұрпақ бойына ата - баба салтын, сәлемдесу түрлерін жетілдіру күнделікті өмірде жиі қолданылады. Сонымен қатар, ақпараттық технологиялар мен заманауи оқыту тәсілдерін тиімді қолдана білген. Сабақтың көрнекілік материалдары көмегімен сабақ өте түсінікті, оқушылар санасына қонымды болғанына кәміл сенемін.