Бүгенге көндә Интернет челтәре аша татарча мультфильмнар карый алабыз. Бигрәк тә Габдулла Тукайның күп кенә әсәрләренә мультфильмнар төшерелде. Дәресләрдә темага туры килгәннәрен карап, анализыйбыз. Мондый эшләр рус телле балалар белән эшләгәндә бик кулай. Тукай иҗатын ничек үзләштерүләрен тикшерү максатыннан, шушы презентацияне ясадым. Беренче турда әсәрнең исемен, икенче турда - төшеп калга сүзне, өченче турда «Серле шакмакта» яшерелгән шигырьләр исемен табарга, дүртенче турда бирелгән рәсемнәрдән Тукай иҗатын чагылдырганнарын сайлап алырга, ә бишенче турда Габдулла Тукай сүзеннән вак сүзләр уйлап язарга. Мондый төр эшләр укучыларда кызыксыну уята.