Пейзаж – француз сөзі , бұл  ландшафты, табиғатты бейнелеу. Пейзаж  дербес жанр ретінде  Қытайда , Жапонияда және басқа шығыс елдерінде, сондай –ақ  Еуропада  дамыған. Пейзаж өнері әр алуан. Кейбір  пейзаждар  табиғаттың  өмірде бар нақты  көрінісін бейнелесе, енді біреулері суретшінің қиялынан туады.  Ондай шығармалардың бәрінде де суретшілер табиғаттың мінез – құлқын айнытпай беруге тырысады. XVII ғасырдан бастап  суретшілер біріңғай табиғат көрінісін бейнелейтін картиналар жазуды  бастады. Әсіресе  XIX  ғасырдың аяғы мен  ХХ  ғасырдың басында орыс суретшілері пейзаж жанрында көркем шығармалар орындауда  зор табысқа жетті. Ф. Васильевтың  «Жаңбыр алдында», К. Юонның  «Қыс соңы», С. Герасимовтың   «Жаз өтті», К. Коровиннің «Көктем»,  И. Айвазовскийдің  «Тоғызыншы балл» т.б көркем шығармаларында табиғат көрінісінің  алуан ерекшеліктері  шынайы  бейнеленген.

   Қазақстандық суретшілер  Ә. Қастеев, Ә. Ысмайлов, С. Мәмбеев, О. Таңсықбаев, Ү.Әжиев т.б пейзаж жанрында көптеген шығармалар ұсынды. А. Черкасский «Көктем», Ә. Қастеев «Шәлкөде жайлауы», Ә. Ысмайлов «Хантәңірі», Ж. Шарденов «Қыс» т.б көркем шығармалар  Қазақстанның  сұлу табиғатының көрінісін паш етті.

Суретшілердің табиғат көрінісін бейнелейтін шығармаларын көрсету.