Тагын кайсы гына шагыйрьнең җылылык эзләп үз гомерендә җиде-сигез апага “Әни” дип дәшеп караганы булды икән? Габдулла исә әнә шундый язмыш кичерә.

       Габдулла тукайның гомере кыска булса да, иҗат ялкынында дөрләп торды, ул үзеннән соң күпкырлы шигъри һәм  публицистик мирас калдырды.

      Тукай – татар әдәбияты күгендә генә түгел, ә барча төрки телле халыклар мәдәнияте гөмбәзендә дә якты йолдыз ул. Шагыйрьнең китаплары башкорт, казах, үзбәк, төрекмән, украин, чуваш, мари һәм башка милләт телләрендә дөнья күрде.Татар халкының бөек улы, атаклы гуманист, мәгърифәтче һәм фикер иясе нибары 27 ел яшәп калды. Шушы кыска гына гомерендә дә аңа әллә ничә тапкыр гаять авыр тормыш шартларын җиңеп чыгарга туры килде. Тик шулай да Тукай, көчле рухлы талант иясе, кабатланмас шәхес була алды.