Жамбыл облысы Қордай ауданы Қайнар ауылы №32 В.В Маяковский атындағы орта мектептің  технология пәні мұғалімі Нілдібаева Жазира Қадірбекқызы

Сабақтың тақырыбы: Киіз үй және оның жасауы

Сабақтың мақсаты:

 Білімділік:

Киіз үйдің құрылыс жабдықтары, киіз үйді құру, кереге, шаңырақ, уық, сықырлауық қалай орналастырылады, түсіндіру. Киіз үйдің жабдықтары түскиізді, сандықты аппликациялау техникасын орындау .

Дамытушылық:

Қазақтың өмірінде шаңырақтың алатын орны ерекше киелі тұтылатындығын жетік түсіндіріп, ой ұрістерін кеңейту.

Тәрбиелілік:

Оқушыларды ептілікке, жинақтылыққа, ұқыптылыққа тәрбиелеу. 

Сабақтың түрі:Жаңа білімді білікке айналдыру.

Қолданылатын көрнекіліктер:Интерактивті тақта. Киіз үй үлгісі, түскиіз, тоқылған алаша.

Қолданылатын құралдар:Түрлі қағаз, қайшы, желім, кесте жіп, ине.

Сабақтың  барысы:

           І. Ұйымдастыру кезеңі:

1. Оқушылардың сабаққа көңілін аудару мақсатында видеоролик көрсетіледі.

2. Жаңа сабақтың тақырыбы мен мақсатын хабарлау арқылы оқушылардың алдына нақты  мақсат пен міндеттер қойылады.

3. Жаңа сабақты түсіндіру.

Туған жердей жат жердің болмайтыны – ақиқат,

Алтын торда алтын құс,

Өсірсеңде  бұлбұл құс,

Өскен бағы болмаса, қонбайтыны – ақиқат.

                                         (Азербайжанның ұлы ақыны Физули)

Киіз үй – мал баққан көшпелі халықтардың қысы – жазы отыратын өте қолайлы және төзімді баспанасы. Ол тез құрылып, тез жиналады. Қыста жылы және жазда салқын болады. Көлеміне және сыртқы кейпіне қарай әртүрлі болып келеді.

1 – тірек сызба:

                                              шаңырақ

          кереге                                                            уық

                                           сықырлауық

2 – тірек сызба:

                                    Төрт қанатты

Алты                                                                    Сегіз қанатты

қанатты                                                              

                                 Он екі қанатты

                                     Киіз үйді тігу

Алдымен керегені жаяды. Кереге бірнеше қанаттан тұрады. Одан кейін шаңырақ көтеріліп, уықпен байлап, баумен бекітеді. Сосын есігі  бекітіледі. Киіз үйдің сырты шимен немесе киізбен қапталады. Түндік – шаңырақты,  киіз есік сықырлауықты жауып тұрады.

3 – тірек сызба:

4. Алғашқы білімдерін пысықтау.

       1. Видео ролик көрсету (талқылау)

       2. Оқушылардың қзық тапсырмаларын тыңдау.

       3. Мақалды орыс ағылшын тіліне аудару.

Шебер өлмес, өнер сөнбес. (не умирает, not clie)

Қол өнері кілемде, сөз өнері өлеңде (қол – руки, hand)

Шеберді жеңген жұмыс жоқ. (жұмыс – работа, ueork)

5. Сарамандық жұмыс.

Оқушылар теориялық білімдерін практикалық білімге айналдырады.

Күй ойнатылады. Оқушылар киіз үй жабдығы түс киіздің эскизін жасау, оны аппликациялау, кестемен тігу.

(Ер балалар сандыққа ою жапсырып, әсемдейді).

Қауіпсіздік техникасы ережесін есте сақтау (қайшымен, инемен жұмыс жасау технологиясы). Әдемі жасауға дағдыландыру, қадағалау.

6. Бекіту бөлімі:

1.Сөзжұмбақ шешу:  

Кілт сөзі «Ата өнері балаға мұра»

 2.Киіз үйдің құрылысын ата?

 3.Киіз үйдің шаңырағын не жауып тұрады?

 4.Жақсы жұмыстарды мадақтау,үлгі ретінде көрсету

7.Жұмыстарын жинастыру.

8.Қорыту.Бағалау.Үйге: Кестені аяқтау,жалғастыру.