Дәрескә үзанализ.      Укытучы: Зиннурова Эльвира Рифкатовна, Зеленодол районы, 1нче лицей.Татар теле, 5 б сыйныфы.Дәреснең темасы: Сан турында гомуми төшенчә.  Микъдар саны.Дәрес тибы: Яңа материалны өйрәтү.Максат: 1) сан темасын кабатлау.2) Микъдар саны белән таныштыру3) хезмәткә мәхәббәт тәрбияләү.УУЭ: шәхси, коммуникатив, регулятив һәм танып-белү эшчәнлеген үстерү һәм камилләштерү.Дәрес укучыларда телдән бәйләнешле сөйләм, сөйләмне үз фикереңне төгәл әйтү өчен файдалана белү, эәчәнлекнең дөрес үтәлешенә бәя бирә белү, үз фикереңне язма һәм сөйләмә рәвештә әйтә белүне камилләштерә.Дәреснең этаплары:I.                   Оештыру моменты;II.                Белемнәрне актуальләштерү;III.             Яңа тема өстендә эшләү;IV.            Ныгыту;V.               Тикшерү күнегүләре;VI.            Нәтиҗә һәм бәяләү;VII.         Өй эше.Сан темасын без актуальләштерү итеп алдык. Ә микъдар санын укучылар беренче өйрәнделәр.Укучыларны дәрескә кызыксындыру максатыннан, актуальләштерү һәм яңа теманы бирү этапларында проблемалы эзләнү методы элементын кулландым. Дәрестә һәр баланың фикерен сорап бетерү мөмкин түгел, шулай да, һәрбер укучыга үзенең фикерен әйтү мөһим. Бу исә укучыларны үзләрен шәхес итеп тоярга мөмкинчелек бирә.         Башлангыч сыйныфта үткән теманы искә төшерү максатыннан, Фрейер моделе төзелде. Бу укучыларда оригиналь уйлау сәләтен үстерә.Яңа теманың исемен балалар үзләре таптылар һәм кагыйдәне үзләре чыгардылар. Бу этапта коомуникатив, регулятив һәм танып-белү эшчәнлекләре кулланылды.  3нче күнегүне эшләгәннән соң укучылар иптәшләренең эшләрен тикшерделәр, бу - башка кеше эшчәнлегенә җаваплы карарга һәм бәяли белергә өйрәтә.Дәрестә предметара бәйләнеш булды.Тикшерү күнегүләре этабында укучыларның яңа теманы үзләштерү дәрәҗәсе тикшерелде.Укучыларның теманы аңлау дәрәҗәсен күзаллар өчен рефлексия методы кулланылды. Өй эшен 3 дәрәҗәдәге белемле укучылар өчен бүлдем. Дәресемнең максатына ирештем дип саныйм.